കേരള സംസ്ഥാന ഭാഗ്യക്കുറി വകുപ്പിന്റെ കരുണ്യ ലോട്ടറി KR-757 നറുക്കെടുപ്പ് 2026 ജൂൺ 13-ന് തിരുവനന്തപുരം ഗോർകി ഭവനിൽ വെച്ച് നടന്നു. ഈ നറുക്കെടുപ്പിൽ ഒന്നാം സമ്മാനമായ 1 കോടി രൂപ (₹10,000,000) KW 516613 എന്ന ടിക്കറ്റിനാണ് ലഭിച്ചത്. ഈ ടിക്കറ്റ് മൂവാറ്റുപുഴയിൽ വിറ്റഴിച്ചതാണ്.

10th/+2/ITI/Diploma/Degree യ്ക്ക് ശേഷം UPSC/ PSC/ SSB/RRB തുടങ്ങി കേന്ദ്ര സംസ്ഥാന റിക്രൂട്ട്മെൻ്റ് ഏജൻസികൾ നടത്തുന്ന മത്സര പരീക്ഷയ്ക്ക് തയ്യാറെടുക്കുന്നവരോ കേന്ദ്ര, സംസ്ഥാന സർക്കാരുകളോ, പൊതുമേഖല സ്ഥാപനങ്ങളോ, സർവ്വകലാശാലകളോ, അംഗീകൃത സ്വകാര്യ സ്ഥാപനങ്ങളോ നടത്തുന്ന നൈപുണ്യ പരിശീലനം നേടുന്നവരോ ആയ 18 നും 30 നും മധ്യേ പ്രായമുള്ള ഉദ്യോഗാർത്ഥികൾക്ക് പ്രതിമാസം 1000 രൂപ സ്കോളർഷിപ്പ് നൽകുന്ന പദ്ധതിയിലേക്ക് ഇപ്പോൾ അപേക്ഷിക്കാവുന്നതാണ്. https://www.eemployment.kerala.gov.in എന്ന പോർട്ടൽ മുഖേന അപേക്ഷ സമർപ്പിക്കാവുന്നതാണ്. വിശദ വിവരങ്ങൾക്കായി സർക്കാർ ഉത്തരവ് പരിശോധിക്കുക.

സംസ്ഥാനത്തെ ഗവൺമെന്റ് നഴ്‌സിംഗ് സ്‌കൂളുകളിൽ നഴ്‌സിംഗ് ഡിപ്ലോമ, സർക്കാർ/ എയ്ഡഡ്/സർക്കാർ അംഗീകൃത സ്വാശ്രയ സ്ഥാപനങ്ങളിൽ പാരാമെഡിക്കൽ ഡിപ്ലോമ കോഴ്‌സുകൾക്ക് പഠിക്കുന്ന ന്യൂനപക്ഷ മതവിഭാഗങ്ങളിലെ വിദ്യാർത്ഥികൾക്ക് മദർ തെരേസ സ്‌കോളർഷിപ്പ് ജനസംഖ്യാനുപാതികമായി നൽകുന്നതിലേക്കായി സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു. 

തദ്ദേശീയമായി വികസിപ്പിച്ച 4 ജി സാങ്കേതികവിദ്യയുടെ പരീക്ഷണം നടക്കുന്നതിനാൽ ബുദ്ധിമുട്ടി ബി.എസ്.എൻ.എൽ. വരിക്കാർ. കോളുകൾ കട്ടാവുന്നതും വിളിക്കുമ്പോൾ കിട്ടാതിരിക്കുന്നതുമായ പ്രശ്നങ്ങളാണ് എല്ലായിടത്തും.