Kaithangu (കൈത്താങ്ങ് ) – Mega Job FAIR 2022 – Palakkad District

കെ.എ.എസ്.ഇ കൈത്താങ്ങ് (Kaithangu) തൊഴില്‍ മേള (Job Fair) 2022 ഏപ്രിൽ 24 ന് പാലക്കാട് ജില്ലയിൽ നടക്കും.

കേരള അക്കാദമി ഫോര്‍ സ്‌കില്‍സ് എക്സലന്‍സിന്റെ (കെ.എ.എസ്.ഇ) ജില്ലയില്‍ 2022 ഏപ്രിൽ 24 ന് രാവിലെ 10 മുതല്‍ വൈകിട്ട് ആറ് വരെ ഗവ. വിക്ടോറിയ കോളേജില്‍ തൊഴില്‍ മേള സംഘടിപ്പിക്കുന്നു. ജില്ലാ ഭരണകൂടം, ജില്ലാ നൈപുണ്യ സമിതി എന്നിവയുടെ സഹകരണത്തോടെയാണ് തൊഴില്‍ മേള നടത്തുന്നത്.

തീയതി : 2022 ഏപ്രിൽ 24
സമയം : 09:00 am to 06:00 pm
സ്ഥലം : ഗവ. വിക്ടോറിയ കോളേജ്, പാലക്കാട്

ജില്ലാ പ്ലാനിംഗ് ഓഫീസര്‍, ജില്ലാ എംപ്ലോയ്‌മെന്റ് ഓഫീസര്‍, ഡി.ടി.പി.സി സെക്രട്ടറി, ജില്ലാ ഇന്‍ഫര്‍മേഷന്‍ ഓഫീസര്‍, ജില്ലാ പട്ടികവര്‍ഗ വികസന ഓഫീസര്‍, ഫിനാന്‍സ് ഓഫീസര്‍, കുടുംബശ്രീ മിഷന്‍ ജില്ലാ കോ ഓര്‍ഡിനേറ്റര്‍, ജില്ലാ മെഡിക്കല്‍ ഓഫീസര്‍ (ആരോഗ്യം), മലമ്പുഴ ഐ.ടി.ഐ പ്രിന്‍സിപ്പാള്‍, ജില്ലാ ടൗണ്‍ പ്ലാനര്‍ എന്നിവരടങ്ങിയ സബ്കമ്മിറ്റി തൊഴില്‍ മേളയ്ക്ക് നേതൃത്വം നല്‍കും.

തൊഴിൽ വാർത്തകൾ വാട്ട് സാപ്പ് ഗ്രൂപ്പിൽ ലഭിക്കാൻ ജോയിൻ ചെയ്യുക

ജില്ലയിലെ തൊഴില്‍ രഹിതരായ യുവതി, യുവാക്കള്‍, ഹ്രസ്വകാല നൈപുണ്യ പരിശീലന കോഴ്സ് പൂര്‍ത്തിയാക്കിയവര്‍ എന്നിവര്‍ക്ക് രജിസ്റ്റര്‍ ചെയ്ത് മേളയില്‍ പങ്കെടുക്കാം. തൊഴില്‍ മേളയിലെ ഒഴിവുകള്‍ അറിയുന്നതിനും രജിസ്റ്റര്‍ ചെയ്യുന്നതിനും തൊഴില്‍ ദാതാവിന് ഉദ്യോഗാര്‍ത്ഥിയെ കണ്ടെത്തുന്നതിനും http://www.statejobportal.kerala.gov.in ല്‍ രജിസ്റ്റര്‍ ചെയ്യാമെന്നും ജില്ലാ സ്‌കില്‍ കോര്‍ഡിനേറ്റര്‍ അറിയിച്ചു. കൂടുതല്‍ വിവരങ്ങള്‍ക്ക് 8590986855 ബന്ധപ്പെടുക. ഇ മെയിൽ kasedistskillcoordinatorpkd1@gmail.com